Dagblogg Steins

Þann14. október;

222 hendir Alexander keisari Calixtus I páfa í sjóin hvaðan hann á eigi afturkvæmt og drukknar.

1166 fellur Haraldur Guðinason fyrir Vilhjálmi Bastarði í orrustunni við Haistings (Battle of Hastings )

1763 gefur danakonungur út eina þá tilskipan í hverri um er mælt að hvur sá karlmaður er gengzt við faðerni óekta barns geti skikkast til að greiða með því meðlag, (underholdsbidrag).

1912 gerðust þau ósköp að Theodore Roosevelt er skotinn af kráarvertinum William Schrank. Hann bjargast þó þar fyrir að kúlan fer beint í blaðabúnka þar sem á er skrifuð ræða hans sem hann er með í brjóstvasanum og heldur hann ótrauður þessa ræðu skömmu síðar.

1927 fæðist Roger Moore, leikarinn góðkunni sem lék James Bond
Að hugsa sér. Maðurinn leit ekki út fyrir að vera deginum eldri en þrítugur þegar ég man fyrst eftir mér og nú stendur hann á áttræðu kallinn.


1972 var veitinga- og skemmtistaðnum Klúbbnum lokað vegna lögreglurannsóknar.


Af öllu ofangreindu má glöggt sjá að þessi dagur hefur í tímans rás verið notaður til að ástunda alls kyns óskunda og þá hafa löngum eins og svo oft fyrr um skeð ýmis vofeifleg tíðindi.
Er því öllum sem forðast vilja vandræði eindregið ráðlagt að fara að dæmi bloggfærzluskrásetjara og halda kyrru fyrir. Öll átök og alla framkvæmdasemi skal lágmarka sem mest. Hafi einhver haft í huga að vaska upp eða skúra, setja í þvottavél er honum þeim sama eindregið ráðlagt að geyma það til betri tíma. Hafi einhver ætlað að nota daginn í að setja vetrardekkin undir er hann beðinn um að hafa allan vara á og ekki rasa um ráð fram minnugur þess að kapp er bezt með forsjá.

Aftur á móti er tilvalið að rölta niður í Eymundson á Akureyri, þarna í hafnarstrætinu í KEA húsinu gamla, þið vitið, og kíkja í dönsku blöðin: Alt for damerne, Anders And, Hjemmet og hvað þau nú heita öll sömul og panta sér kaffi eða jafnvel hugsanlega te og þó líklega frekar kaffi eða hvað? Ætti maður að fá sér frekar te það væri nú aldeilis freistandi eða hvað? Te?? Kaffi?? nei te nei annars eða.... ÆÆÆææ þetta er svo erfitt að ákveða þetta