22 júlí, 2005
Vegna ófyrirséðra hriðjuverkaárása múslímskra öfgahópsamtaka hefur ritstjórnarfulltrúi Dagbloggsuppfærsludeildar vefstjórnarsviðs að talið er farið huldu höfði um skeið. Skeið þessi er talin eiga uppruna sinn í Kákasusízkum silfurborðbúnaði frá 16. öld. Skeið þessi var lengi talin glötuð en 1807 fannst hún falin inn í klukku einni ( s.k. skeiðklukku)og talið er að henni hafi verið komið þar fyrir í öryggisskyni þá er Tatarar komu ofaneftir vestanverðum Suður-Úralfjöllum og fóru ráns hendi um sveitir Kákasussbúa áður en þeir héldu í stríðið við Don-Kósakka við Kaspíahaf. Og kemur skeið þessi ekki meira við sögu hér. Sökum fjölda (amk. 2) áskoranna er nú tvíeflt blogg uppfært. Steinn hefur undanfarnar vikur verið að taka til í herberginu sínu og fann þar meðal annars korktöflu og töflukork er þetta talið með merkari fundum síðan hann hann fann taflmanninn og manntaflið (sjá: O.F. Hubschrauber, Das Archaeologisce Schachspiezeug von Island, Berlin 1894). En eins og Grettir sagði: Þess er þó getið sem gert er. Góðar stundir.
